ជួយស៊ែរផង!! ឪពុកម្តាយត្រូវដឹង បើឃើញខ្លួនកូនមានរន្ធដូចនេះ សូមប្រញាប់យកទៅពេទ្យភ្លាម

យោងតាមគណនីហ្វេសប៊ុកឈ្មោះ Monique បានចែករំលែករឿងដ៏រន្ធត់ចិត្តមួយ ដើម្បីជាការដាស់តឿនដល់មិត្តៗអ្នកនិយមលេងហ្វេសប៊ុកទាំងគ្នា អោយបានដឹង អំពីជំងឺប្លែកៗដែលកើតមានឡើងចំពោះក្មេងៗ ។ ស្ត្រីរូបនោះបានអោយដឹងថា នាងប្រទះឃើញមាន រន្ធតូចៗចំនួន ៤ នៅលើក្បាល ទ្រូង ជើង ហើយនឹងដៃកូនរបស់នាង ។ ដំបូងឡើយនាងគិតថា វាគ្រាន់តែជាបូសធម្មតាតែប៉ុណ្ណោះ ហើយវាប្រហែលជានឹងបាត់ទៅវិញ ប៉ុន្តែការពិតទៅវាមិនមែនជាបូសនោះទេ ។

បើយោងតាមការរៀបរាប់របស់នាង បានប្រាប់អោយដឹងថា កូនរបស់នាងតែងតែត្អូញថា ឈឺនៅត្រង់ជើង ទ្រូង ក្បាល ហើយនឹងម្រាមដៃ ដែលមានរន្ធតូចៗនោះ ប៉ុន្តែនាងគ្រាន់តែអោយថ្នាំបំបាត់ការឈឺចាប់ទៅកូនលេប តែប៉ុណ្ណោះ ។ ស្ត្រីជាម្តាយរូបនោះ បានប្រាប់អោយដឹងទៀតថា ៣ ថ្ងៃក្រោយមក នាងបានឃើញរន្ធតូចៗទាំងនោះ ចាប់ផ្តើមចេញមុខ ហើយនាងក៏បានច្របាច់វា ដើម្បីអោយចេញខ្ទុះ ប៉ុន្តែអ្វីដែលធ្វើអោយនាងមានការភ្ញាក់ផ្អើលនោះគឺ ដង្កូវបានចេញពីក្នុងរន្ធទាំងនោះទៅវិញ ចំនួន ៤ ក្បាល ។

វាអាចកើតមានឡើងគ្រប់មនុស្សទូទៅ ។ ជាពិសេសនៅពេលសម្លៀកបំពាក់សើម ហាលនៅខាងក្រៅ ហើយរុយពងដាក់ខោអាវទាំងនោះ រឺខោអាវជ្រុះទៅលើស្មៅ ដែលត្រូវបានរុយពងដាក់ ។ នៅពេលដែលអ្នកពាក់ខោអាវទាំងនោះ ពងរុយនឹងចូលទៅក្នុងស្បែករបស់អ្នក ហើយវាក៏នឹងកកើតទៅជាដង្កូវនៅក្នុងស្បែក ។ យប់ឡើងវានឹងធ្វើចលនា ដែលជាហេតុធ្វើអោយកូនរបស់នាងឈឺចាប់ហើយយំមិនបាត់។

គ្រូពេទ្យថែមទាំងបានណែនាំថា៖
-ហាលខោអាវ ដោយប្រើដង្កៀបគៀប ដើម្បីកុំអោយជ្រុះ ។
– ត្រូវតែរលាស់ខោអាវមុនពេលដែលបត់ខោអាវដាក់នៅក្នុងទូរ រឺមុនពេលស្លៀក ។
– អ៊ុតខោអាវដែលហាលស្ងួត ជាពិសេសខោអាវកូនក្មេង ។
– បោកគក់កំរាលពូក ហើយនឹងកន្សែងជាមួយនឹងទឹកក្តៅ ៕